Құпиялық саясаты

Соңғы жаңарту: 4 қараша 2026

1. Біз кімбіз

QapiDonat — стримерлерге донат хабарламаларын эфирде көрсетуге арналған веб-қызмет. Біз донат ақшасын қабылдамаймыз және сақтамаймыз: төлем тікелей стример мен донат жіберушінің арасында банк арқылы өтеді. Қызметті пайдалану ақысы бөлек және ол қызмет иесіне аударылады.

2. Қандай деректерді жинаймыз

• Аккаунт: пошта, ник, тіл, стрим парақшасының сілтемесі, құпиясөз (тек бір бағытты шифрланған хэш түрінде; түпнұсқасын ешкім көре алмайды).
• Донат хабарламалары: телефоннан келетін хабарлама мәтінінен алынған жіберуші аты, сома, комментарий. Банк балансы сақталмайды және көрсетілмейді.
• Қауіпсіздік деректері: кіру құрылғысы (браузер, жүйе), IP мекенжайы, кіру уақыты. Бұл аккаунтыңды қорғау және күдікті әрекетті анықтау үшін.
• Файлдар: өзің жүктеген гиф, сурет, дыбыс файлдары.
• Төлем: жеке төлем кодың, тариф мерзімі мен төлем тарихы (сома, күні). Банк картаңның деректері бізге берілмейді.
• Telegram: аккаунтты ботқа байланыстырсаң немесе ботқа жазсаң, чат ID, аты мен username, жазған хабарларың сақталады. Бұл қолдау көрсету және төлем туралы хабарлау үшін.
• Техникалық cookie: тек кіру сессиясын сақтайтын бір cookie. Жарнама немесе бақылау cookie-лері жоқ.

3. Не үшін қолданамыз

Қызметті көрсету (донатты эфирде көрсету, статистика), аккаунт қауіпсіздігі, кіру кодтарын поштаға жіберу, қызмет сапасын сақтау. Деректеріңді сатпаймыз және жарнама үшін бермейміз.

4. Кім көре алады

Қызмет әкімшілігі қауіпсіздік пен қолдау мақсатында аккаунт мәліметтерін (пошта, ник, стрим сілтемесі, белсенділік, құрылғылар, донат саны мен сомасы) көре алады. Құпиясөзді көре алмайды. Әкімші әрекеттері журналға жазылады. Деректер заң бойынша талап етілмесе, үшінші тұлғаларға берілмейді.

5. Қайда сақталады

Деректер бұлттық серверлерде (хостинг және дерекқор провайдерлері, Қазақстаннан тыс болуы мүмкін) сақталады. Хаттар пошта жіберу қызметі арқылы жіберіледі. Деректер тасымалданғанда шифрланған байланыспен (HTTPS) беріледі.

6. Қанша уақыт сақталады

Аккаунтың бар болғанша. Аккаунтты өшіру туралы өтініш бергеннен кейін барлық деректер (профиль, донаттар, файлдар) өшіріледі.

7. Сенің құқықтарың

Деректеріңді көруге, түзетуге, көшіріп алуға (Донаттар бөліміндегі CSV) және аккаунтты өшіртуге құқығың бар. Профильді Аккаунт бөлімінде өзгертесің, өшіру үшін байланысқа шық: qoldauapp@proton.me.

8. Қауіпсіздік

Құпиясөздер scrypt арқылы хэштеледі, сессиялар серверде бақыланады және кез келген уақытта Аккаунт → Құрылғылар бөлімінен тоқтатылады, екі сатылы тексеру (2FA) қолдау көрсетіледі. Ешқандай жүйе 100% қорғалмаған, сондықтан күшті құпиясөз мен 2FA қолдануды ұсынамыз.

9. Өзгерістер

Саясат жаңарса, осы бетте көрсетіледі.

Байланыс: qoldauapp@proton.me